2023 жылдың 28 наурызы күні Әдебиет және өнер музейінде ҚР Композиторлар одағының мүшесі, Моңғолия және Қазақстан Республикасы Білім беру саласының үздігі, Ы.Алтынсарин атындағы төсбелгінің иегері Құрмет Сақаймен кездесу болып өтті.

Іс-шара мақсаты Құрмет Сақайдың 70 жасқа толу мерейтойын ылайықты деңгейде атап өту, өнер иесінің шығармашылығын көпшілік қауымға насихаттау болып табылды.

ҚР Жазушылар одағының мүшесі, PhD доктор, ақын-жазушы Ерболат Баятұлы жүргізген кеш барысында өнер иесі көпшілікке өзінің өмірі мен шығармашылық жолын әсерлі әңгімеледі. Көпшіліктің  сауалдарына жауап берді.

Өз кезегінде сөз алған музей директоры Нұрбек Нұралы сазгерді мерейтойымен құттықтап,  шығармашылық табыс тіледі.

Әсем ән мен әсерлі әңгіме тыңдаған көпшілік қауым іс-шарадан көтеріңкі көңіл-күймен тарқасты.