2023 жылдың 13 қыркүйегі күні Әдебиет және өнер музейінде Шахмет Құсайынов атындағы облыстық қазақ музыкалық-драма театрының XXVII театр маусымының ашылуына орай «Қойылымдарды безендіру бөлімі» цехтарының еңбегін насихаттау мақсатында «Сахнадағы сырлы әлем» атты көрменің ашылуы болып өтті.
Көрме апталығына театрдың “Қойылым безендіру бөлімінің” жасаған дүниелері көпшілік назарына ұсынылды. Көрменің лентасын облыстық мәдениет басқармасының басшысы Айгүл Сәбитова, Қазақстанның халық артисі Жібек Бағысова, театр басшысы - Жарас Қалдаров қиды.
Көрме ашылуынан кейін көпшілік қауым “Қойылым безендіру” бөліміне қарасты қойма меңгерушілерімен сұхбаттасты. Көрермендердің сұрақтарына жауап берген әріптестеріміз өнер сүйер жұртшылықтың махаббатына бөленді.
