2025 жылдың 14 қаңтарында Әдебиет және өнер музейі Көкшетау қалалық қазақ кітапханасымен бірлесіп, ақын, Қазақстанның халық жазушысы, ҚР Мемлекеттік сыйлығының иегері Қадыр Мырза Әлінің 90 жылдық мерей тойына орай, «Қара өлеңнің зергері – Қадыр ақын» атты әдеби-сазды кеш ұйымдастырды.

Рухани шараға музейдің ғылыми қызметкері Нұрболат Әлменов модераторлық етсе, Ш.Уәлиханов атындағы Көкшетау университтеінің профессоры, филология ғылымдарының кандидаты Сәбит Жәмбек қонақ ретінде қатысып, жиналғандарға Қадыр ақынның өмірі мен шығармашылығына қатысты құнды деректер айтып берді. Сондай-ақ, Әдебиет және өнер музейінің директоры Нұрбек Нұралы өз кезегінде, кешке қатысушыларға алғысын білдіріп, іс-шараның маңыздылығын атап өтті.

Әдеби жиын барысында белгілі болғандай, ақынның тұңғыш тундысы 1954 жылы «Пионер» балалар журналында басылса, алғашқы  жыр жинағы «Көктем» деген атпен 1959 жылы жарық көреді. Өмірінің соңына дейінгі жазған еңбектері бүгінде 16 томдық кітап болып қазақ әдебиетінің мол мұрасына айналуда. Аталмыш кешке қатысқан Ақмола облысы білім басқармасына қарасты «Көкшетау қаласының №5 «Таңдау» көпсалалы мектеп-гимназиясы» коммуналдық мемлекеттіқ мекемесінің 10 сынып оқушылары ақынның сырлы өлеңдерін оқып, көптің қошеметіне бөленді. Сонымен бірге, Қадыр ақынның сөзіне жазылған 120 ға жуық ән бар. Шара аясында қазақ вальсінің каролы Шәмші Қалдаяқовтың әніне жазылған, көпке танымал «Сыған серенадасы» әні музейдің ғылыми қызметкері Мұхамет Тілеубайдың орындауында шырқалды.

Айта кетейік, өткізілген әдеби кеш ақынның мерейлі жылының беташар іс-шарасы болды. Алты Алаштың жүрегінен орын алған Қадыр Мырза Әлінің еңбегін насихаттау, есімін ұлықтау, жас ұрпақтың санасына сіңіру қақындағы жұмыстардың алдағы уақытта жалғасары сөзсіз.