2025 жылдың 20 ақпаны күні Әдебиет және өнер музейінде қазақ әдебиеті мен тарихында өшпес із қалдырған классик жазушы Ілияс Есенберлиннің туғанына 110 жыл толуына орай «Қазақ прозасының – қара нары» атты әдеби-танымдық кеш өткізілді.
Аталмыш мұражайдың ғылыми қызметкері Бақытбек Бекмұратұлының мен өткен рухани жиынға Ш.Уәлиханов атындағы Көкшетау университетінің оқытушылары, филология ғылымының кандидаттары Сәбит Жәмбек пен Аян Қажыбай, Ж.Мусин атындағы жоғарғы Қазақ педагогикалық колледжінің оқытушысы Жәнібек Бердімұратұлы қатысып, ұлы суреткердің дүние келуі, балалық шағының өтуі, әдебиетке келуі, тарихи романдар жазуы сияқты ғұмырнамалық үрдістерін тарқата айтып, жиналғандарды жазушы өмірімен таныстырды. Бала күнінен жетімдіктің азабын арқалап өскен Ілияс, кейінгі өмір жолында да соғысты, түрмені көрді, шынықты, жетілді. Ол солай өзінің күрескерлік тұлғасымен заманының таланты тұлғасы атанды. Әдеби іс-шараның қорытынды кезеңінде Әдебиет және өнер музейінің директоры Нұрбек Нұралин құттықтау сөз сөйлеп, мұражай экспозициясының төрінде де жазушының көпшілікке ұсынылғанын тілге тиек етті. Ал, көрермендер тарапынан студенттер алған білімдері үшін ризашылығын білірді.
Айта кетейік, күллі өмірін шығармашылыққа арнаған Ілияс Есенберлиннің артында қалған өлшеусіз мол мұрасы, том-том еңбектері қазақтың түп тамырлы тарихын түгендеуге, өткенін қайтарып, рухын көтеруге жол ашты.
