2025 жылдың 18 наурыз күні Облыстық Әдебиет және өнер музейінде Ұлттық киім күніне орай ерекше сән мен салтанатқа толы колледж студенттері арасында «Ақтоқты ару» қыз сыны байқауы өтті. Бұл іс-шара қазақ халқының ұлттық киімдерін дәріптеу, жастардың салт-дәстүрге деген қызығшылығын арттыру, шығармашылық қабілеттерін дамыту және қазақ қыздарын дәстүрімізге сай инабаттылыққа, мейірімділікке, кішіпейілділікке тәрбиелеу мақсатында ұйымдастырылды.
Байқауға колледж студенттері белсене қатысып, әрқайсысы өзіне тән ұлттық киім үлгілерін паш етіп, өзін таныстыру, дәстүрлі өнер көрсету, және қазақтың тарихы, әдебиеті, мәдениеті мен салт- дәстүрінен түрлі сұрақтарға жауап беру арқылы өз шеберліктерін көрсетті.
Қазылар алқасы Әдебиет және өнер музейінің директоры, Мәдениет саласының үздігі Н. Ж Нұралы, ҚР еңбек сіңірген әртісі Бисара Макенова, М. Жұмабаев атындағы әмбебап-ғылыми кітапханасының бөлім меңгерушісі, кітапхана ісінің шебері Гаухар Абрахманова сайыскерлердің киім ерекшелігіне, сахнада өздерін ұстауына, өнері мен біліміне мән беріп, әділ бағасын берді.
Қазылар алқасының шешімімен жүлделі орынға ие болған арулар:
Гран-при - Ж. Мусин атындағы жоғары педагогикалық. колледж студенті Дастанқызы Сабина;
I орын- «Арна» колледжінің студенті Шамелова Аружан;
II орын- Ж. Мусин атындағы жоғары педагогикалық колледж студенті Амангелді Дилара;
III орын- Ш. Уәлиханов атындағы КУ жанындағы көпсалалы колледж студенттері Әбіш Мөлдір және Серік Аяжан;
Сонымен қатар, арнайы номинациялардың жеңімпаздары:
«Көрермен көзайымы», «Наурыз аруы», «Өнерлі ару» номинацияларының иегерлері Темірбек Еркежан, Нұрманова Гүлжан, Кәрібек Дильназ.
Іс-шара соңында барлық қатысушылар естелік суретке түсіп, ұйымдастырушыларға алғыстарын білдірді. «Ақтоқты ару» байқауы - ұлттық құндылықтарды насихаттаудың жарқын үлгісі болды.
