2025 жылдың 27 наурызы күні Әдебиет және өнер музейінде Қарағанды облысы, Шахтинск қаласындағы "Әубәкір Ысмайылов атындағы Балалар көркемөнер мектебі" оқытушылары Жанабек Жұмабеков, Наталья Сайгушева, Елена Нивиденская және Ерсін Темірғалиевтің "Шахтинск квартеті" шығармашылық тобы көрмесінің ашылуы болып өтті.
Көрменің беташар сөзін сөйлеген Ақмола облысы мәдениет басқармасының басшысы Айгүл Сәбитова көпшілікті шығармашылық топ көрмесінің ашылумен құттықтап, алғыс хат пен гүл шоғын табыс етті.
Сондай-ақ, "Шахтинск квартеті" шығармашылық тобының жетекшісі, Шахтинск қаласынадғы "Әубәкір Ысмайылов атындағы балалар көркемөнер мектебі" директоры Елена Нивиденская да көкшетаулық көрерменнің ыстық ықыласына ризашылығын білдіріп, музей ұжымының жұмысына алдағы уақытта да зор жетістіктер тіледі.
Іс-шара барысында сөз алған ҚР Суретшілер одағының Ақмола облыстық филиалының директоры, суретші, мүсінші Юрий Попов, Көкшетау қаласындағы Балалар көркемөнер мектебінің директоры Юлия Желобкова, қоғам қайраткері, "Құрмет" орденінің иегері Ғалым Бекмағамбетов, қоғам қайраткері, публицист, ұстаз Әлия Ахетовалар да шығармашылық топтың жұмыстарына жоғары бағаларын беріп, жарқын жетістіктер тіледі.
"Шахтинск квартеті" шығармашыл тобының мүшелері Жанабек Жұмабеков, Наталья Юрьевна, Елена Нивиденская, Ерсін Темірғалиевтер өз кезегінде сөз алып, көкшетаулық өнерсүйер көпшілікке, Әдебиет және өнер музейінің ұжымына алғыстарын білдірді.
Биік талғамға сай салынған туындыларды тамашалап, әдемі әңгіме, әуезді сөз тыңдаған көршілік қауым, көрмеден көтеріңкі көңіл-күймен тарқасты.
