2025 жылғы сәуірдің 24-інде Әдебиет және өнер музейінде этнограф-тарихшы, өлкетанушы, аудармашы-ғалым, қарт жауынгер Қарта Қаңтарбаевтың "Балуан Шолақ туралы әңгімелер" атты кітабының тұсаукесері болып өтті. Кітапты музей қызметкерлері баспаға дайындаған болатын. Кітапта әнші-композитор, балуан, алып күш иесі Нұрмағанбет (Балуан Шолақ) Баймырзаұлының өмірі туралы ел аузынан жазып алынған әңгімелер мен өлеңдер, сондай-ақ, Балуан Шолақтың қызы Бәтен жайындағы деректер жинақталған. Бұл еңбектің жарық көруіне Көкшетау-Энерго ЖШС бас директоры Досымхан Аралбаев демеушілік еткенін айта кеткен жөн.

2025 жылдың 17 сәуірі күні Әдебиет және өнер музейінде жазушы-драматург, мемлекеттік сыйлықтың лауреаты Қалихан Ысқақтың 90 жылдығына арналған «Қоңыр қаздың үні бар қаламында» атты әдеби кеш болып өтті. Филология ғылымдарының кандидаты Сәбит Жәмбек студент жастарға Қ.Ысқақ шығармаларының ерекшелігі мен жазушылық шеберлігі жайлы баяндап, оқырман сұрақтарына жауап берді. Сондай-ақ, жазушының аудармашылық, сценаристік қырларына да тоқталды.

2025 жылдың 10 сәуірі күні Астана қаласындағы ҚР ҚК Ұлттық әскери-патриоттық орталығы Әскери-тарихи музейінде "Ұлы Жеңіс: Ерлікке тағзым, ұрпаққа үлгі" атты көрменің ашылуы болып өтті. Бұл көрмені ҚР Суретшілер Академиясы қоғамдық қоры ұйымдастырды.

2025 жылдың 27 наурызы күні Әдебиет және өнер музейінде Қарағанды облысы, Шахтинск қаласындағы "Әубәкір Ысмайылов атындағы Балалар көркемөнер мектебі" оқытушылары Жанабек Жұмабеков, Наталья Сайгушева, Елена Нивиденская және Ерсін Темірғалиевтің "Шахтинск квартеті" шығармашылық тобы көрмесінің ашылуы болып өтті.

2025 жылдың 20 наурызы күні Әдебиет және өнер музейінде әз-Наурыз мейрамы қарсаңында Көкшетау қаласындағы жоғары оқу орындары студенттері арасындағы "Наурыз нақыштары" жас суретшілер байқауының қорытындысы болып өтті.

2025 жылдың 18 наурыз күні Облыстық Әдебиет және өнер музейінде Ұлттық киім күніне орай ерекше сән мен салтанатқа толы колледж студенттері арасында «Ақтоқты ару» қыз сыны байқауы өтті. Бұл іс-шара қазақ халқының ұлттық киімдерін дәріптеу, жастардың салт-дәстүрге деген қызығшылығын арттыру, шығармашылық қабілеттерін дамыту және қазақ қыздарын дәстүрімізге сай инабаттылыққа, мейірімділікке, кішіпейілділікке тәрбиелеу мақсатында ұйымдастырылды.