2023 жылдың 22 қыркүйегі күні Әдебиет және өнер музейінде «Бурабай аңыздары» аймақтық суретшілер фестивалінің қорытынды көрмесінің ашылу болып өтті.

Фестиваль барысында қылқалам шеберлері заманауи өнердегі дәстүрлі бағыт саласындағы тәжірибелерімен бөлісіп, Бурабайдың сұлу табиғатын қылқаламның қуатымен жеткізу мүмкіндігіне ие болды.

2023 жылдың 13 қыркүйегі күні Әдебиет және өнер музейінде Шахмет Құсайынов атындағы облыстық қазақ музыкалық-драма театрының XXVII театр маусымының ашылуына орай «Қойылымдарды безендіру бөлімі» цехтарының еңбегін насихаттау мақсатында «Сахнадағы сырлы әлем» атты көрменің ашылуы болып өтті.

2023 жылдың 9 қыркүйегі күні "Ботай-Бурабай" ашық аспан астындағы музейінде ұйымдастырылған этно-ауылға келуші қонақтар назарына Әдебиет және өнер музейі қызметкерлері көрме ұсынды.

Әдебиет және өнер музейі көркемсурет бағытында еңбектеніп жүрген тұлғалардың шығармашылығын кеңінен насихаттап, кәсіби тұрғыда өсіп-жетілуіне барынша жағдай жасап келеді. Олардың арасында балалар шығармашылығы да назардан тыс қалған емес.

2023 жылдың 2 шілдесінде Көкшетау қаласының Абылай хан алаңында 1500 домбырашы қатысқан ауқымды флеш-моб өтті. Іс-шараның басты мақсаты: ұлттық домбыра күні мерекесін жоғары деңгейде атап өту және домбыраның халық арасында танымалдығын арттыру. Мерекені жоғары деңгейде атап өту үшін шалғайдағы ауыл, аудандардан да өнерпаздар тобы қатысты.Үкілі Ыбырай атындағы Ақмола облыстық филармониясының ұлттық саз аспаптары оркестрідауылпаз күйші Құрманғазы Сағырбайұлының "Балбырауын" күйін орындап, көпшіліктің ризашылығына бөленді. Бұл іс-шарадан Әдебиет және өнер музейінің қызметкерлері де тыс қалған жоқ.

2023 жылдың 29 маусымы күні Әдебиет және өнер музейінде суретші Владимир Быстрицкийдің "PRO ЖИВОПСИЬ" атты жеке шығармашылық көрмесі болып өтті.