2024 жылдың 10 сәуірі күнi Әдебиет және өнер музейiнде көкшетаулық суретшi Виктор Кубриннiң «Все начинается с мечты» атты шығармашылық көрмесiнiң салтанатты ашылуы болып өттi. Көрмеге өнер иесi қаламынан туған тың туындылары қойылды. Суретшi қазақ даласының, Бурабай баурайының көрiктi жерлерiн шебер бейнелеп жеткiзе бiлген. Табиғат, жыл мезгілдері, қоршаған ортаның тыныс-тіршілігі В.Кубрин еңбектерінде барынша айқын көрінеді.

2024 жылдың 19  наурызы күні Ақмола облысының Әдебиет және өнер музейiнде әз-Наурыз мерекесi қарсаңында, Көкшетау қаласыдағы ЖОО мен арнаулы орта бiлiм беретiн оқу орындары студенттерi арасында "Наурыз нақыштары" атты жас суретшiлер байқауының қорытындысы болып өттi.

2024 жылғы 15 наурызда Әдебиет және өнер музейінің ұйымдастыруымен «Ақ бата – асыл мұра» атты бата беру сайысы өтті. Бұл іс-шара Наурыз мейрамын тойлау аясында өткізілді.

2024 жылдың 15 наурызында Наурыз мейрамын тойлау аясында халық әндері мен халық композиторларының мұраларын зерттеуші әрі насихаттаушы, әнші Кенжебай Мұқышевпен кездесу кеш болып өтті. Кенжебай Жәнібекұлы бүгінгі таңда Мәлік Ғабдуллин музейінің директоры қызметін атқаруда.

2024 жылдың 6 наурызында Әдебиет және өнер музейінде суретші Махаббат Рахметованың «Көктем шуағы» атты жеке көрмесінің ашылуы болып өтті. Іс-шара Халықаралық әйелдер күніне арнап өткізіліп отыр.

Биыл жерлес жазушы, публицист, қарт журналист Сарбас Ақтаев 90 жасқа толғалы отыр. Осы мерейтойға орай, 2024 жылдың 21 ақпаны күні музей қызметкерлері музей қорын толықтыру, ақпарат жинақтау, Сарбас Ақтаевтың еңбегі мен өмір жолы жайындағы деректерді өз аузынан жазып алу мақсатында қаламгердің шаңырағында қонақта болды.